210               TESTAMENTS ENREGISTRÉS AU PARLEMENT DE PARIS            (450)
Pour toutes lesquelles choses dessus dictes faire, entériner et loyau-ment acomplir de point en point le dit testateur fist, ordena, cons­titua et establi ses executeurs el feaulx commissaires et amis, hono­rables hommes et saiges, maistre Charles de Valdeter, conseillier du roy nostre sire, le dit Gabriel Fatinent, Pierre Fatinent son filz, Barthelemi Sac, Jaques Sac et Jehan Sac, freres; ausquels, tous en­semble ou aux deux d'iceulx, dont l'un des trois freres soit tousjours fun, il donna et octroya plain povoir, auctorité et mandement especial de entériner, acomplir, mettre à fin et execucion deue ceste presente ordenance testamentoire au regart des choses estans à faire et acomplir en ceste partie ou royaulme de France. Et quant au regart des laix et autres choses estans à faire en ceste partie hors du dit royaume de France, il voult et ordena que l'un d'iceulx.trois freres en puisse faire et ordener seul tout à sa plaine voulenté par la maniere contenue en ceste presente ordenance testamentoire; es mains desquek ses executeurs il se dessaisi et devesti de .tous ses biens pour entériner ef acomplir ceste ordenance testamentoire, et les soubzmist pour ce du tout à la jurisdicion, cohercion et contrainte de la court de Parlement, et de toutes autres-justices et jurisdicions où ilz seront et pourront estre trouvez, et rappella et revocqua tous autres testamens, codi­cilles ou ordenances de derreniere voulenté par lui tais et passez paravant la date de ces presentes, voulant que cestui sien present testament vaille, tiengne et sortisse son plain effect par fourme de testament, de codicile ou autrement, parla meilleur fourme el maniere que valoir pourra et devra.
En tesmoing de ce, nous, à la relacion des dis notaires, avons mis à ces lettres testamentaires le seel de la prevosté de Paris, qui furent faictes et passées -doubles le dimenche treize jours de mars, l'an de grace mil quatre cens et six.
Sic signaùum : J. Closier. J. du Conseil. .
Collacio facta est.
(Archives Nationales, x1' 9807, fol. 173 v8.}